Varmaendurvinnsla - Loftræstikerfi

Þú getur kíkt á úrvalið hjá okkur á viftur.is

Töluverð krafa er komin í byggingarreglugerð um útblástur.  Slík loftun er gríðarlega jákvæð, þar sem röku - óhreinu lofti er blásið út.  Slíkt myndar engu að síður undirþrýsting og mikilvægt er að ballansera loftflæðið, þannig að það geti komið inn loft í samræmi við að loft sem er dregið út. 

Helstu kostir:

• Ferskt loft kemur inn
• Dregur úr líkum á loftengdum vandamálum eins og myglusvepp

Helstu gallar:

• Kostnaður við að kynda kalt loft
• Undirþrýstingur er í íbúð, þannig að raki vill leita inn.

Á norðurlöndunum hefur verið gerð krafa um að loftræsting fari fram með vélrænum hætti, þar sem jafnmiklu lofti (eða aðeins meira) er blásið inn á móti því lofti sem er dregið út.   Varmaendurvinnsla er nýtt til að draga úr kyndikostnaði.

 

Hvernig virkar varmaendurvinnsla?

Varmaskiptirinn er í miðjunni, loftrásin fer í gegnum varmaskiptinn. Varmaskiptirinn er búinn til úr málmi eða mjög leiðandi efni, sem leiðir varmann á milli. Heitt loft sem kemur úr íbúðinni hitar varmaskiptinn, sem þá hitar loftið sem er að koma að utan. Þannig að loftið sem er að koma að utan hitnar á leiðinni. Þetta sparar gríðarlega mikla orku þar sem ekki er þörf á því að nota rafmagn eða heitt vatn til að hita loftið og kyndingin sem fer fram fer bara fram með heita loftinu sem hvort sem er að fara út.

Kostirnir eru að:

• Spara orku en gefa samt gott fersk loft
• Tryggja réttan loftrþýsting - ekki undirþrýstingur í íbúðinni

Hægt er að fá kerfin í mörgum útfærslum, allt frá því að vera mjög einföld loftræstikerfi með einföldum hraðastillum til að jafna loftflæðið og upp í stór og öflug kerfi með nákvæmum stýringum.